Сумын сүлд дуу

ая  хөгжмийн зохиолч УГЗ Б.Бямбабаяр

үг:Яруу найрагч Б.Сарантуяа

"Хотгойдын түүхт нутаг"

Бүгсийн голын уянгат аялгуутай

Бүр холын домгийн өлгий

Бүгдгээний догшин уулстай

Бүрэн хангайнхаа энгэр нутаг аа

Дахилт:

Хоймор нутгийн үүдийг сахьсан

Хотгойдын домогт өлгий еэ

Хан хэрэм шиг босоо хийморьтой

Хүн зонтойгоо омголон ч нутаг амгалан ч нутаг аа хө

Сүрлэг өндөр хангайн уулсаасаа

Сүүний цацалт ээжийн минь өргөлтэй

Эрэлхэг дайчид нь түүхэнд мөнхөрсөн

Ирсэн буцсанд ерөөлтэй нутгаа хө

Дахилт:

Хоймор нутгийн үүдийг сахьсан

Хотгойдын домогт өлгий еэ

Хан хэрэм шиг босоо хийморьтой

Хүн зонтойгоо омголон ч нутаг амгалан ч нутаг аа хө

Нутгаа санаад давхиад очиход минь

Нулимсыг минь арчих салхин ээжтэй

Хамаг олноо түшээд ирэхэд минь

Хаан шиг нөмөртэй уулс аавтай

Дахилт:

Хоймор нутгийн үүдийг сахьсан

Хотгойдын домогт өлгий еэ

Хан хэрэм шиг босоо хийморьтой

Хүн зонтойгоо омголон ч нутаг амгалан ч нутаг аа хө