Төмөрбулаг сумын албан ёсны цахим хуудсыг сонгон зочилж байгаа танд энэ өдрийн мэндийг хүргэе. Цахим хуудсанд хандсанаар та төрийн үйлчилгээ, хууль тогтоомж, шийдвэр, цаг үеийн олон талт мэдээ мэдээллийг хугацаа алдалгүй хүлээн авах боломжтой болох юм. Мөн та Сумын Засаг Даргын Тамгын Газарт хандан цахим хэлбэрээр санал хүсэлтээ илэрхийлж сум багт болон таны амьдарч буй орчинд тулгамдсан асуудлаа шийдвэрлүүлж байхыг та бүхнээс хүсч байна. Засагт хан аймгийн Мэргэн гүний хошуу, хожмоо Цэцэрлэгмандал уулын аймгийн Наранжаргалант уулын хошуунаас тасарч Төмөрбулаг сум тулгаа тулан бууриа зассанаас хойш өдгөө 99 жилийн түүхийг ардаа орхин 100-н жилийнхээ босгон дээр ирээд байна. Уул усандаа залбирч, үр хойчоо даатгаж, их уулсаараа хүрээлүүлсэн сүүн сэтгэлтэй Төмөрбулагчууд та бүхэндээ ажилд нь амжилт, амьдралд нь сайн сайхан бүхнийг хүсэн ерөөе.  ТӨМӨРБУЛАГ СУМЫН ЗАСАГ ДАРГА   А.МӨНХ-ЭРДЭНЭ.